مجموعه من ربعيات صلاح جاهين

إقلع غماك يا طور وارفض تلف

اكسر تروس الساقيه واشتم وتف

قال بس خطوه كمان وخطوه كمان

ياوصل نهاية السكه يالبير يجف

انا الى بالامر المحال قلبى اغتوى
شوف القمر نطيط لفوق فى الهوا
طولتو ماطلتوطش ايه انا يهمنى
ما دام قلبى بالتشوى ارتوا
طير جريح مضروب شعاع من القمر وقع من السموات قالوا نكسر جريت عليه قطة عشان تلهفه اتريه خيال شعرا وملوش اثر

ولدي إليك بدل البالون ميت بالــــــون
انفخ وطرقع فيه علي كل لـــــــــــون
عساك تشوف بعينك مصيرالرجــــــال
المنفوخين في السترة و البنطلـــــون
عجبي


أحسـن مـا فيهـا العشـق والمعشـقة
وشـويتين الضـحــك والتـريقـة
شـفت الحيـاة، لفيـت، لقيـت الألـذ
تغييـرهـا، وده يعنـى التعب والشـقا
عـجبى !!


أنا كـل يـوم أسـمع . . فلان عذبوه
أسـرح فـى بغـدادوالجزاير واتوه
مـا اعجبش م اللى يطيق بجسمه العـذاب
واعـجـب مـن اللى يـطـيقيعذب أخوه
عـجبى

MOHAMED FADEL
monty_love_2100@yahoo.com

أنا اللى بالأمــر المحــالاغتـوى
شـفت القمـر نطـيت لفوق فى الهوا
طـلته مـا طـلتوش إيه انـايهمنـى
وليـه … ما دام بالنشـوة قلبـى ارتوى
عـجبى


إيش تـطلبى يـا نفسـى فـوق كـل ده
حظــك بيضــحك وانـتىمتنكـدة
ردت قـالت لـى النفس : قـول للبشـر
مـا يبصـوليش بعيـون حـزينـةكـده
عـجبى !!
بحـر الحياه مليـان بـغرقـى الـحياه
صـرخت خش الـمـوج فى حلقى ملاه
قارب نجـاه ! . . صـرخت قالوا مفيش
غير بـس هو الـحب قـارب نـجـاه
عـجبى
حدوته عن جعران و عن خنفســــــــــه
اتقابلوا حوا بعض ساعة مســـــــــــــــا
و لا قال لهم حد اختشوا عيب حـــــرام
و لا حد قال دي علاقة متدنســــــــــــــة
عجبي !!!!

مزيكة هادية الكون فيها انغـــــمر
وصيف و ليل و عقد فل و سمر
يا هلتري الناس كلهم مبسوطين
و يا هلتري شايفين جمال القمر ؟
عجبي!!

يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!

كروان جريح مضروب شعاع م القمر
سقط من السموات فؤاده انكســـــــــر
جريت عليه قطه علشان تبلعـــــــــــه
أتاريه خيال شعراء و مالهـــــوش أثر
عجبي !!!
أنا إله الوجد رب الهيــــــــــــــــام
أضرب بسهم الوهم وهم الغـــــرام
و هم الغرام من كتر ما هو لذيـــــذ
رشقت انا ف صدري جميع السهام
عجبي !!!
حدوته عن جعران و عن خنفســــــــــه
اتقابلوا حوا بعض ساعة مســـــــــــــــا
و لا قال لهم حد اختشوا عيب حـــــرام
و لا حد قال دي علاقة متدنســــــــــــــة
عجبي !!!!
زحام و أبواق سيارات مزعجـــــة
اللي يطول له رصيف.. يبقي نجـــا
لو كنت جنبي يا حبيبي أنــــــــــــا
مش كنت أشوف إن الحياة مبهجة
عجبي!!
يا ميت ندامه ع القلوب الخـــــــــــلا
لا محبة فيها و لا كراهـــــــــــه ولا
حتي يا قلبي الحزن ما عادش فيـــــك
معلهش .. لك يوم برضه راح تتملا
عجبي !!

لو فيه سلام في الأرض وطمان و أمن
لو كان مفيش و لا فقر و لا خوف جبن
لو يملك الانسان مصير كل شـــــــــــئ
انا كنت اجيب للدنيا ميت ألف ابــــــــــن
عجبي !!
ياللي عرفت الحب يوم و انطــــــــــــوي
حسك تقال مشتاق لنبع الهـــــــــــــــوي
حسك تقول مشتاق لنبع الغــــــــــــــــرام
ده الحب .. مين داق منه قطره...ارتوي
عجبي !!!

أحـب اعيش ولـو أعيش فـى الغابـات

أصـحى كمـا ولـدتـنى أمـى وابـات

طـائر . . حوان . . حشرة . . بشر . . بس اعيش

محـلا الحيـاة . . حتى فى هيئـة نبـات

عـجبى !!

يا ابني نصحتك لما صوتي اتنبح

ماتخفش من جني و لا من شبح

و ان هب فيك عفريت قتيل اسأله

مادفعش ليه عن نفسه يوم ما اندبح


يا حزين يا قمقم تحت بحر الضياع

حزين أنا زيك و إيه مستطاع

الحزن ما بقالهوش جلال يا جدع

الحزن زي البرد ... زي الصداع

عجبي !!!!
أنا شاب لكن عمري ألف عام / وحيد لكن بين ضلوعي زحام / خايف و لكن خوفي مني أنا / أخرس و لكن قلبي مليان كلام

فتحت شباكي لشمس الصباح
مدخلش منه غير عويل الرياح
و فتحت قلبي لجل ابوح بالألم
مخرجش منه غير محبة و سماح
و عجبي

أيديا في جيوبي و قلبي طرب
حاسس بغربة بس مش مغترب
وحدي لكن ونسان و ماشي كده
ببتعد معرفش او بقترب

الدنيا صندوق دنيا .. دور بعــــد دور

الدكة هي .. و هي كل الديكـــــــــور

يمشي اللي شاف ويسيب لغيره مكان

كان عربجي أو كان امبراطــــــــور

عجبي !

عيني رأت مولود علي كتف أمـــــــــــه

يصرخ تهنن فيه يصرخ تضــــــــــــمه

يصرخ تقول يا بني ما تنطق كـــــــلام

ده اللي ما يتكلمش يكتر همـــــــــــــه

عجبي !!!!

ياطير ياعالى فى السما طظ فيك

ماتفتكرش ربنا مصطفيك

برضك بتاكل دود وللطين تعود

تمص فيه ياحلو ويمص فيك




عجبى

إقلع غماك يا طور وارفض تلف

اكسر تروس الساقيه واشتم وتف

قال بس خطوه كمان وخطوه كمان

ياوصل نهاية السكه يالبير يجف




عجبى


كرباج سعاده وقلبى بيه انجلد

رمح وكإنه حصان ولف البلد

ورجعلى نص الليل وسالنى ليه

خجلان تقول انك سعيد ياولد




عجبى


ياخالق الكون بالحساب والجبر

وخالقنى ماشى بلختيار والجبر

كل اللى حيلتى زمزميه امل

وازاى تكفينى لباب القبر

وعجبى
أيوب رماه البين بكل العلل سبع سنين مرضان وعنده شلل
الصبر طيب صبر أيوب شفاه، بس الأكاده مات بفعل الملل
و عجبي

لا تجبر الإنسان ولا تخيره

يكفيه ما فيه من عقل بيحيره

اللي النهاردة بيطلبه و يشتهيه

هو اللي بكرة هيشتهي يغيره


مهبوش بخربوش الألم و الضياع

قلبي منزوع م الضلوع انتزاع

يا مرايتي ياللي بترسمي ضحكي

يا هل ترى ده وش و لا قناع؟


ورا كل شباك ألف عين مفتوحين / و انا وانتي ماشيين يا غرامي الحزين / لو التصقنا نموت بضربة حجر / و لو افترقنا نموت متحسرين

يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!
على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر
مـركب ورق مـن نفخـة تتطـوح
ركـبتهــا والـكــل بيـلــوح
سـوحت فيهـا اتنين وخمسـين سنه
للآن . ولا بتغــرق ولا تـروح

عـجبى